Outcome of senti sad movies...

Hey just saw a senti hindi movie with a sad ending.. N v all now wat the stupid movies can do 2 u.. u sit, possibly cry(yeh yeah.. shrug off the idea bti m proud of the OFT HEART tht i hav... :D) n some ppl like me write...So this is wat i hav 2 say..
Caution: its a hindi poem writen in nglish so willneed an extra effort.. :) .. N for ppl who cant make sense outta it, ask some1 2 read it 4 u..

HERE IT GOES.. ALL THE BEST.. :)

Kahin door ek kasbe ki hai ye kahani,
Jahan har gali main the ashiq aur khoon main rawani.
Har kisi ko banani thi misaal,
Koi tha sikandar koi Jamaal..
Har ek ki zuban pe kisi ka naam,
Bas yehi gaate the woh subah shaam.
Koi jaagta sari raat didaar ko,
Koi aawazein deta apne pyaar ko..
Un main tha ek sehma sa ladka,
Ek din dekh ek ladki uska bhi dil dhadka..
Ladki ko door se dekh wo deewana hua,
Bas us shama ka wo parwana hua.
Khada rehta wo ladki ki gali ke bahar woh ghanto hazaar,
Aur ladki bhi khidki pe aati baar baar.
Bas aankhon hi aankhon main hua ikraar,
Usi gali main panpa un ka pyaar.
Par har kahani main hote hain kuch to pehre,
Koi dukh halke aur kuch gehre.
Ladki ke liye ek din aaya rishta,
Kaha tujhe doli main lene aaya hai farishta.
Wo kehti ki meri mat karo sagai,
Main to dil de baithi hun, main ho gai parai..
Jab pata chala ladke ko to woh samaj na paaya,
Use laga ki nai padega pyaar pe koi bura saaya.
Milne na diya un dono ko ghar walo ne,
Is zulmi samaj ne band kar dia talon main.
Wo seh nai paaya aur gaya rote huye,
Dekh na paaya apne pyaar ko khote huye.
Din aaya kehar ka, widaai kaa,
Un dono ki aakhari judaai ka.
Shehnaiya baj rahi thi, baj raha tha dhol,
Ladka pee gaya zehar ladki ka naam bol.
Ek taraf patakhe, ek taraf janaaza,
Sab kehte”tha acha ladka par dukh tha taaza taaza”.
Ek cohrahe pe janaze se doli takrai,
Tabhi sab ko ye baat samaj aayi.
Doli main baithi ladki ne bhi de di jaan,
Kisi aur ki nai hona tha use, uska yehi tha maan.
Duniya ki reet ne ek aur kahani banai,
Is sab main ashiqon ne apni jaan jalai.
Samaj nai paaye ki sab kuch sahenge woh,
Jeeye na sahi saath mar kar rahenge woh..
Jeene marne ki jo ek baar hain kasmein khayein,
To rahenge ek saath, nahi sahenge wo judaai….